Bedri Hamza rikthehet në vendlindje: Një rikthim te rrënjët, aty ku kam mësuar vlerat që më udhëheqin

Kandidati i Partisë Demokratike të Kosovës (PDK), Bedri Hamza, zhvilloi sot një tubim në fshatin e tij të lindjes, Klinë të Epërme të Skenderajt.

Gjatë këtij aktiviteti, Hamza theksoi se nuk ka vend më të veçantë se vendlindja. Ai shprehu kënaqësinë e kthimit në rrënjët e tij, duke deklaruar se Klinë e Epërme është vendi ku ka filluar rrugëtimin e tij dhe ka mësuar vlerat që vazhdojnë ta udhëheqin edhe sot.

“Kosova që duam është ajo që u jep më shumë mundësi të rinjve, siguri familjeve dhe dinjitet çdo qytetari,” përfundoi Hamza gjatë fjalës së tij.