Komuna e Prishtinës pritet që gjatë ditës së sotme të bëjë publik projektin fitues për ndërtimin e shtatores së komandantit legjendar Adem Jashari në kryeqytet.
Lajmin e ka bërë të ditur kryetari i Komuna e Prishtinës, Përparim Rama, i cili ka theksuar se projekti për monumentin e heroit kombëtar po hyn në një etapë të rëndësishme.
Ky projekt është konsideruar si një ndër iniciativat më simbolike për kryeqytetin, pasi shtatorja e Adem Jasharit pritet të vendoset në një hapësirë monumentale që do të ketë rëndësi historike dhe kombëtare për qytetarët.
Kujtojmë se më 26 prill 2024, Përparim Rama kishte zhvilluar një takim me Bekim Jashari nga familja Jashari në Prekaz, ku kishin diskutuar rreth lokacionit dhe detajeve për vendosjen e shtatores së komandantit legjendar.
Ndërsa më 14 mars 2024, Komuna e Prishtinës kishte hapur zyrtarisht konkursin për krijimin e “Sheshit Monumental të Komandantit Legjendar Adem Jashari”, projekt që synon të krijojë një hapësirë përkujtimore dhe reprezentative në nder të figurës së tij historike.
Shpallja e projektit fitues pritet të zgjojë interesim të madh publik, pasi bëhet fjalë për një monument që do të mbajë emrin dhe figurën e një prej simboleve më të rëndësishme të historisë së Kosovës.
You must be logged in to post a comment Login