Një situatë mes Kejvina Kthellës dhe Anela Osmanit ka kaluar në duar të Prokurorisë së Tiranës, pas një kallëzimi lidhur me shumën prej 8 mijë eurosh.
Sipas informacioneve të marra, Kthella pretendon se ia kishte besuar këtë shumë Osmanit për ta ruajtur. Kur ka kërkuar kthimin e parave, ajo ka hasur në refuzim.
Prokuroria e Tiranës, si pjesë e hetimeve, ka vendosur të marrë Anela Osmanin si të pandehur për veprën penale të “Mashtrimit”. Në dosjen hetimore, është raportuar një shpjegim lidhur me moskthimin e shumës: “Kam harruar kodin e kasafortës”.
Duhet theksuar se marrja si e pandehur nuk përbën konstatim të fajësisë. Çështja pritet të vazhdojë sipas procedurave ligjore, ndërsa përgjegjësia penale do të përcaktohet nga gjykata.
Anela Osmani aktualisht mban detyrën e kryeinspektores në një institucion të shëndetësisë shqiptare.
Be the first to comment