Ish-banori i Big Brother VIP Albania 1 ka ndarë një përvojë shumë personale lidhur me problematikat e tij shëndetësore, të cilat kanë mbetur pa një diagnozë të saktë për një kohë të gjatë.
Në një rrëfim të tij në TikTok, modeli i njohur ka zbuluar se shpesh përjeton humbje të fokusit dhe vëmendjes, ndërsa pamja i turbullohet si të ishte e mbuluar nga mjegulla. Ai shpreh dëshirën e madhe për të zbuluar se cilat janë arsyet e këtyre simptomave dhe për të siguruar trajtimin e nevojshëm.
Graniti ka reflektuar gjithashtu mbi të kaluarën e tij, duke e konsideruar këtë periudhë si një sprovë të madhe. Ai pranon se shpesh është ndier emocionalisht i rënduar, madje është mbyllur në dhomë të qara në raste të veçanta për të mos shqetësuar nënën e tij.
Periudha më e vështirë për të ka qenë pas përfundimit të Big Brother-it, kur gjendja e tij shëndetësore u përkeqësua, duke e çuar në një depresion të thellë dhe në izolim të gjatë.
Sot, Graniti po e ndan publikisht këtë betejë, duke vazhduar të kërkojë një diagnozë që i mungon prej vitesh.
You must be logged in to post a comment Login