Francis Clifford Smith, një individ që kaloi më shumë se 75 vjet nën mbikëqyrjen e sistemit të drejtësisë në Shtetet e Bashkuara, ka ndërruar jetë në moshën 101-vjeçare nga shkaqe natyrore. Ai ishte dënuar me çmimin më të lartë për një vrasje të kryer në vitin 1949.
Sipas mediave amerikane, Smith priti ekzekutimin e tij tetë herë, por në çdo rast procedura u ndërpre. Në disa nga këto raste, ai kishte marrë edhe “vaktin e fundit”.
Dënimi i Smith ndodhi kur ai ishte vetëm 25 vjeç, pasi u shpall fajtor për vrasjen e rojes së natës, Grover S. Hart. Ky i fundit u qëllua për vdekje më 23 korrik 1949 gjatë një grabitjeje në një klub jahtesh në Greenwich, Connecticut. Megjithatë, Smith e mohoi vazhdimisht përfshirjen e tij në krim.
Rasti i tij ishte i shoqëruar nga dyshime për dekada. Dëshmitë në vendngjarje treguan se plumbi fatal ishte shkrepur nga një revolver me kalibër .22, ndërsa një plumb dhe katër gëzhoja të tjera të gjetura në vend, i përkisnin një arme tjetër. Kjo e bëri gjykatën të përfundojë se në grabitje kishin marrë pjesë të paktën dy individë.
Smith, i konsideruar ndër të burgosurit më të vjetër dhe më jetëgjatë në historinë e burgjeve amerikane, kurrë nuk u ekzekutua. Vdekja e tij erdhi tërësisht natyrshme, pas një jetese të gjatë.
You must be logged in to post a comment Login