Luana Vjollca ndan pamje të reja nga projekti i saj në ardhje, sjell një tjetër atmosferë verore

Vetëm disa ditë pas publikimit të këngës së saj më të re, Luana Vjollca ka ndarë me ndjekësit disa pamje të reja nga prapaskenat e projektit.

Në fotografitë e publikuara në rrjetet sociale, ajo shfaqet elegante dhe plot ngjyra, duke u veshur me një fustan të gjelbër, teksa pozon në një ambient buzë detit.

Skenografia verore dhe atmosfera relaksuese i japin fotografive një dimension të veçantë, duke ofruar pamje nga realizimi i projektit të saj më të fundit.

Krahas imazheve, Luana ka zgjedhur një mbishkrim të shkurtër, por domethënës: “Edhe sa vera me t’prit?”.

Postimi ka tërhequr menjëherë vëmendjen e ndjekësve, të cilët kanë reaguar pozitivisht ndaj pamjeve të reja të artistes.

Ndërkohë, Luana vazhdon të ndajë gradualisht momente nga puna dhe prapaskenat e projektit të saj të ri, duke mbajtur të gjallë kureshtjen e fansave për atë që ka përgatitur këtë verë.