Eliza Hoxha kujton me mall babain: “5 vite pa babin”

Eliza Hoxha ka kujtuar me nostalgji të atin, pesë vite pas ndarjes së tij nga jeta.

Në rrjetet sociale, ajo ka ndarë një mesazh prekës, ku tregon për këshillat dhe diskutimet që kishin, shpeshherë të ndryshme, por me të njëjtin qëllim.

“Pesë vite pa babin. E ndjej mungesën e këshillave të tij, debatet e nxehta dhe ballafaqimet e bindjeve që shpesh ishin të kundërta. Edhe pse ndiheshim ndryshe, qëllimi ynë ishte i njëjtë: të bëheshim njerëz më të mirë çdo ditë dhe të shërbenim vendin me dashuri e përkushtim,” ka shkruar Hoxha.

Fjalët e saj shprehin mall dhe mirënjohje për të atin, duke kujtuar vlerat dhe mësimet që ai la pas.