Legjenda e futbollit brazilian, Roberto Carlos, raportohet se ka konvertuar në Islam në Brazil rreth katër javë më parë. Këtë informacion e ka bërë publik një deputet turk, i cili citon një figurë të njohur të komunitetit mysliman.
Ali Shahin, deputet i Partisë për Drejtësi dhe Zhvillim (AK Parti) në Turqi, njoftoi për këtë ngjarje pas takimeve me përfaqësues të komunitetit mysliman në Sao Paulo. Sipas tij, ai ka marrë informacionin nga Sheikh Jihad Hammadeh, një figurë e njohur në Brazil dhe nënkryetar i këshilltarëve fetarë të Shoqatës Kombëtare të Juristëve Islamë (ANAJI).
Shahin tha se Hammadeh i kishte treguar se Carlos kishte qenë në kontakt me të për një kohë dhe e kishte vizituar rreth katër javë më parë. Gjatë asaj vizite, ish-futbollisti ka shqiptuar shehadetin, deklaratën islame të besimit, dhe është konvertuar në Islam.
Deputeti turk e shpalli këtë lajm përmes një postimi në rrjetet sociale, pas një takimi me Hammadeh dhe përfaqësues të tjerë të komunitetit mysliman të Brazilit, në Ligën Bamirëse Rinore Islamike të Brazilit.
Ai e përgëzoi Carlosin për konvertimin e tij dhe i uroi atij dhe familjes së tij paqe, shëndet dhe begati. Në këtë takim morën pjesë përfaqësues të organizatave myslimane në Brazil, përfshirë presidentin e Ligës Bamirëse Rinore Islamike dhe presidentin e Fondacionit të Xhamisë Pari.
Roberto Carlos së fundmi është martuar me Suhayla At Tohiri, një agjente futbolli me origjinë marokene. Ai, 53 vjeç, njihet si një nga mbrojtësit e majtë më të mëdhenj në historinë e futbollit, duke kaluar shumicën e karrierës së tij te Real Madridi dhe më vonë duke u bashkuar me Fenerbahçen në vitin 2007.
Deritani, Carlos nuk e ka konfirmuar publikisht këtë konvertim në Islam.
You must be logged in to post a comment Login