Në fillim, ishte vendosur vetëm guri i themelit.
Në Zagorë të Vushtrrisë, kishte një plan për ndërtimin e kishës Shën Flori dhe Shën Lauri. Megjithatë, ky projekt i Lëvizjes për Rikthim ka hasur në kundërshtimin e banorëve të fshatrave Zagorë, Dumnicë e Poshtme, Dumnicë e Epërme dhe Samadrexhë.
Banorët organizuan një protestë të martën në orën 6 të mëngjesit, kundër ndërtimit të kësaj kishe, të cilën e cilësojnë si përçarëse dhe politike. Sipas tyre, në këtë zonë nuk ka pasur kurrë besimtarë katolikë. Ata besojnë se, nëse do të kishte besimtarë, qasja do të ishte më miqësore.
Për këtë çështje, ka ndërhyrë edhe Inspektorati i Komunës, i cili njofton se nuk ka pranuar kërkesë për leje ndërtimi. Gjithashtu, dioqeza Prizren-Prishtinë ka reaguar, duke e cilësuar këtë vendim si jo kushtetues, jo ligjor dhe të padrejtë.
Një kodër, ku tani ndodhet vetëm guri përkujtimor për dy martirët katolikë, po mbahet nën mbikëqyrje nga ekipet e njësisë speciale për të shmangur ndonjë incident mes palëve. Ndërkohë, atyre që mbështesin ndërtimin e kishës u është ndaluar qasja në atë zonë.
Be the first to comment