“Dhunë në familje”: Sulmohet fizikisht gruaja në Skenderaj, i dyshuari në kërkim

Një grua ka njoftuar se ka rënë pre e një sulmi fizik nga një burrë pas një mosmarrëveshjeje në Skenderaj.

Sipas informacionit të Policisë së Kosovës, incidenti ka ndodhur më 11 gusht, rreth orës 21:00.

Viktima, një shtetase kosovare, ka deklaruar se është sulmuar nga i dyshuari, i cili është gjithashtu shtetas kosovar.

Policia njofton se viktima nuk ka pranuar të dërgohet për tretman mjekësor, ndërsa i dyshuari është shpallur në kërkim.

Në mbrojtje të viktimës është caktuar një urdhër mbrojtës.