E rëndë në Ksamil: Babai godet për vdekje vajzën e tij katërvjeçare

Një ngjarje tragjike ka ndodhur mëngjesin e sotëm në Ksamil, ku një fëmijë katërvjeçar ka humbur jetën pas një aksidenti në një parkim privat.

Sipas informacioneve paraprake, babai i vajzës, gjatë një manovre me automjetin e tij tip “Audi”, ka goditur aksidentalisht fëmijën.

Viktima, katërvjeçarja Ajla Marku, ka ndërruar jetë si pasojë e plagëve të marra.

Autoritetet kanë nisur hetimet për të zbardhur rrethanat e plota të aksidentit. Një ekip i Policisë së Sarandës po punon për dokumentimin e ngjarjes dhe për përcaktimin e përgjegjësive në lidhje me situatën në të cilën ndodhi aksidenti.