Aksident në Korenicë të Gjakovës, nëntë persona të lënduar

Një aksident i rëndë ka ndodhur sot në fshatin Korenicë të Gjakovës, ku kanë mbetur të lënduar nëntë persona.

Zëdhënësja e Policisë Rajonale të Gjakovës, Vlera Krasniqi, konfirmoi lajmin për klankosova.tv.

Aksidenti ndodhi rreth orës 13:30 dhe përfshiu dy vetura.

Sipas informacioneve, të lënduarit janë dërguar për trajtim mjekësor. Ekipet e Policisë, Urgjencës dhe Zjarrfikësve kanë reaguar menjëherë në vendin e ngjarjes.

Aktualisht, Njësia Rajonale e Trafikut Rrugor po heton rastin për të zbardhur rrethanat e plota të aksidentit.