Ekstradohet në Shqipëri kimisti kolumbian i drogës, Sammir Rosales Rodriguez, raporton A2 CNN. Ai është dërguar nga Kolumbia në Shqipëri, ku do të vuajë një dënim prej 14 vitesh burg, një vendim i marrë nga Gjykata e Posaçme pas hetimeve të kryera nga SPAK.
Rodriguez u arrestua në Kolumbi për llogari të SPAK-ut në shtator 2025. Më 30 qershor të këtij viti, ai u shpall fajtor për akuzat e “trafikimit të lëndëve narkotike” dhe “grupit të strukturuar kriminal”. Sipas vendimit të gjykatës, ai është dënuar me 14 vite heqje lirie.
Kimisti 49-vjeçar, i përfshirë në një grup kriminal, është akuzuar për trafikimin e rreth 485 kilogramëve kokainë të tretur në pleh organik artificial. Droga ishte nisur nga porti i Buenaventurës në Kolumbi dhe kishte transit në portin e Pireut në Greqi për t’u dërguar më pas në portin e Tivarit, në Mal të Zi. Nga atje, ngarkesa u transportua me rrugë tokësore në Frakullën e Madhe, në Fier.
SPAK-u ka identifikuar Rodriguez si një nga anëtarët e grupit kriminal në këtë trafik. Ai ka lëvizur paralelisht me ngarkesën nga Kolumbia në Greqi, Mal të Zi dhe Shqipëri, ndaj ka dyshime se ai ishte shoqëruesi i saj.
Dy javë para lëshimit të një urdhër-arresti ndaj tij, një patrullë policore ndaloi automjetin ku ai po udhëtonte. Ai u identifikua me pasaportën kolumbiane, por për shkak të hetimeve, SPAK-u nuk e arrestoi atë në atë moment. Pas lëshimit të urdhër-arrestit, ai nuk u gjet më nga policia.
Njëzet e dhjetë nga bashkëpandehurit shqiptarë të Rodrigues janë gjykuar veçmas në dy shkallët e Gjykatës së Posaçme, ku janë shpallur fajtorë dhe janë dënuar me masa që variojnë nga 8 deri në 11 vite burg.
You must be logged in to post a comment Login