Tre luanë nga një kopsht zoologjik në Tokio dyshohen se kanë vdekur si rezultat i nxehtësisë ekstreme, ndërsa disa të tjerë po trajtohen, sipas një zëdhënësi të kopshtit zoologjik.
Vitin e kaluar, Japonia përjetoi verën më të nxehtë ndonjëherë të regjistruar, me disa pjesë të vendit që arritën deri në 40 gradë Celsius për disa javë. Këto kushte ekstreme janë klasifikuar si “ditë mizorisht të nxehta”.
Që nga mesi i korrikut, dhjetë nga 16 luanët në parkun zoologjik Tama kanë shfaqur simptoma si humbjen e oreksit dhe uljen e aktivitetit. Në një deklaratë, kopshti njoftoi se tre luanesha kishin vdekur; njëra më të martën, një tjetër të premten dhe e treta të dielën.
Shkaku i këtyre vdekjeve dyshohet të jetë një goditje e nxehtësisë, me simptoma të dehidratimit dhe dështimit të organeve të shumta që u evidentuan nga veterinerët.
Pavarësisht se luanët mendohet se janë rezistentë ndaj nxehtësisë, kujdestarët në kopshtin zoologjik kanë forcuar masat për të përballuar temperaturat e larta verore. Nxehtësia në Japoni karakterizohet nga lagështi e lartë, e cila dallon nga nxehtësia me ajër të thatë që ndodh në Afrikë.
Sipas zëdhënësit, këtë vit nxehtësia ka ardhur papritur, pas përfundimit të sezonit të shirave në fund të korrikut.
You must be logged in to post a comment Login