Georgina Rodríguez ka reaguar ndaj komenteve që ka marrë pas publikimit të disa fotografive nga pushimet e saj në jaht. Ajo, e cila është partnere e Cristiano Ronaldos, ka ndarë një mesazh të rëndësishëm rreth vetëpranimit dhe ndryshimeve në trup, duke theksuar vlerat personale.
“Trupi im do të ndryshojë, ashtu siç ndryshon trupi i çdo gruaje. Shpresoj që të vazhdojë ta bëjë këtë për shumë vite, sepse kjo do të thotë që vazhdoj të jetoj,” shkruan Georgina.
Ajo thekson se si nënë e gjashtë fëmijëve, dëshiron t’u mësojë vajzave të saj se vlera e një personi nuk përcaktohet nga pamja fizike apo nga mendimi i njerëzve të panjohur.
Pas reagimeve ndaj fotografive të saj, Georgina shpjegoi se kishte biseduar me Cristiano Ronaldon për shqetësimin e saj se kritikat për peshën mund të kenë një ndikim negativ. Ronaldo e ka siguruar se ajo nuk vlerësohet vetëm për pamjen, por për atë që është si person: grua, nënë, dhe individ me vlera.
Georgina thekson se kjo situatë përsëritet pothuajse çdo verë, kur trupi i saj bëhet objekt diskutimi publik. Ajo shtron pyetje rreth standardeve të bukurisë, duke pyetur: “Ku është standardi? Kush vendos se cili është trupi ‘i duhur’? A mendojmë ende se lumturia ka një masë?”
Sipas saj, stërvitja nuk ka qenë një luftë për të humbur peshë, por një mënyrë për t’u kujdesur për shëndetin dhe mirëqenien mentale. “E dua trupin tim në çdo version të tij. Është trupi që më ka lejuar të përqafoj, të krijoj jetë, të rrëzohem dhe të ngrihem përsëri,” thotë Georgina.
Në përfundim të mesazhit, ajo thekson se suksesi i vërtetë nuk është përshtatja ndaj standardeve të tjerëve, por të jetosh në paqe, të kujdesesh për shëndetin dhe të shijosh momentet me familjen dhe ata që do.
You must be logged in to post a comment Login